المساعد الشخصي الرقمي

مشاهدة النسخة كاملة : خاطره ابكت الكثير{{رحيل والدي}}خاطر


admin
09-20-2008, 06:06 AM
بسم الله الرحمن الرحيم

السلام عليكم

خاطره ابكت الكثير


ثقيله هالدقايق

اذا كان الوجع

بـ عمر ..انسان

ثقيله يا ثواني

هي بداية... (تمر ازمان )


بغيضه يالدموع اللي على خدين طفله

بعمر الورد/ وكبر الجرح حزينه يا الاماني ..ليه ؟ّ

انا مدري وش اللي ماخذينه بس!!

انا مدري من المسؤل ؟!

عن الحصه / عن التلميذ / وآخر درس

انا مدري ..

انا ليه اكتب حروف اللحين ؟!!

احاول...اشرح ..الحزن الدفين

بثرثرات ...حروف ...وغصت عين

حكاية من حرم طفله..

تحس بضحكة الاطفال..

صباح العيد

حكاية (آآآآآه )..في حلق حيرتها

ورجفة أيد ..

وتتنهد في جدار القبر...ساعة

كنها ظلم الليالي ..بوحشة بيد

ومع أول دقايق سالفتنا ..

على شارع ...حمل ثوب الحداد

وحشرجات ..القبر ..

بسرعه مر ...

مع الوعد الذي ...ما قدر يوفيه

مع اسماع طفله ...ما تعرف الحزن !



لا..


لا..


لا..


كانت ما تعرف الحزن ..

تغرد له بصوتها النعسان ..

وتعزف أعذب الالحان ..

(يبه ..عمري ..حبيبي

لا تْأخر ...

ابي ترجع قبل ما انام ..

ابي اتلحف حنانك...في

تصبحين بخير .. مع بوسه على خدي ..

يبه وانام ..

وقبل ما انسى ..يايبه اسمع ..

ابي دفتر رسم أحمر

وابي اقلام للتلوين ..

وابي فستان ...مثل لون

الشموس اصفر ..

وابيك انته ..تلبسني ..

تحمل يا يبه ارجوك ..

تمهل يا يبه ارجوك ..

شوي /// شوي )

وكان آخر ..وصاياها ..

وعلى غفله ...تهور ..

مع سرعة ...بدون حساب ..

ينادي هالرصيف الموت ..

ينادي له ..تعال ...تعال ...تعال... تعال..

وانتهت قصة...عمر ..انسان

وابتدت ...حيرة.....يتيمه ..

ما اكملت عامها التاسع ..

يضيق بدمعها ..

صمت الشبابيك.. الكئيبه ..

على الجدران ..

تحاول ...تنحر اجابة هالسؤال اللي

تفجر ...في قصيدة حزن ...

بلا..عنوان ..

(يبه وينك؟!

تعبت انتطر ..

تعبت أتخيل ايدينك ..

يبه وينك ...

تعبت أسأل زوايا البيت ..

تعبت أسأل ثوبك المكوي

تعبت آشم عطرك

واحضن غيابك ..

تعبت اكذب على دمعي

وارتب عيني وثيابك ...

يبه وينك؟!

الف الدار ..واتذكر ....

هنا ..يمشي ...

هنا يجلس ..

هنا يضحك ..

هنا كنا على شانه

نجي نسهر ..

يبه وينك ..

ويقطع حزن هالافكار ..

باب الدار ...

واصيح بصوت ...واتحشرج ..

منو بالباب ؟!..منو اللي دق هذا الباب؟!

انا مابي لعب ..واقلام ...

انا مابي هدايا

انا ما ابي اشوف اصحاب ..

يبه وينك ؟!

يبه .. يرضيك حالي اللحين ؟!

كرهت المدرسه ...والدرس ..

ولا حد فيني حس ...

تذكرني بغيابك... شهاداتي ..

معلمتي ...

وباب المدرسه ...

والدرس

اصحابي وعلاماتي ..

يبه وينك ؟!

كلامي يا يبه حارق

كلامي مر ...

وانا اقرا في الدفاتر هنا ..

(يوقع ولي الامر)

من اللي فرحتي تتكحل بعينه ؟!

وضحكاته

يبه ..وينك ..؟!

نجحت ..وتختنق فرحه

وسط صدري ..

تجيني الناس وتبارك ....

وهذا الحزن بي حارث ..

ولا تدري ...

باني يتيمه ..

والسبب حادث.. )

وبدت تذرف دموع

تشق صدر الليل

سواده ...حيل يشبه له شعرها ..

يشبه له غياب...الاب..

غايبه ..

ما وراه غياب..

ولا يمكن يعوضه ..

القريب / الاخ / والاصحاب

ثقيله هالدقايق

اذا

كان الوجع..بـ عمر ..أانسان


بغيضه يالدموع اللي على خدين طفله

بعمر الورد حزينه يا الاماني ..ليه ؟ّ

حزينه يا الاماني ..ليه ؟ّ

روحي تحبك
09-20-2008, 07:23 AM
خاطره اكثر من رائعه

سلمت يمناك يعطيك العافيه

|||×LORD×|||
09-20-2008, 01:38 PM
ربي يعطيك العافيه على الموضوع المميز

موفق خير

عاشقة ZORO
09-20-2008, 07:56 PM
سلمت يداك على الكلمات اكثر من رائعه والله يصبر كل واحد على من فقد اعز الناس له
واشكرك الجنتل مره ثانيه على الكلمات الرائع تقبل مروري

admin
09-20-2008, 11:58 PM
الله يعافيك روحي تحبك وشاكر لك مرورك على الموضوع.

admin
09-20-2008, 11:59 PM
الله يعافيك اللورد وشاكر لك مرورك على الموضوع.

admin
09-21-2008, 12:01 AM
الله يعافيك عاشقة zoro أنرتي موضوعي بمرورك العذب.

دنيا الأحساس
09-22-2008, 12:13 PM
يعطيك الف عاااافيه على هالكلمااات اأكثر من رائعه

سلمت يمين خطت ولسان نطق

تحياتيــ لكــ

دنـــ ي ـــا الأحـــ س ــــاس

admin
09-23-2008, 04:06 AM
الله يعافيك دنيا الإحساس وشاكر لك مرورك على الموضوع.

احب حمودي
09-23-2008, 04:37 AM
بغيضه يالدموع اللي على خدين طفله

بعمر الورد/ وكبر الجرح حزينه يا الاماني ..ليه ؟ّ

انا مدري وش اللي ماخذينه بس!!

انا مدري من المسؤل ؟!

عن الحصه / عن التلميذ / وآخر درس

انا مدري ..

انا ليه اكتب حروف اللحين ؟!!

احاول...اشرح ..الحزن الدفين

بثرثرات ...حروف ...وغصت عين

حكاية من حرم طفله..

تحس بضحكة الاطفال..

صباح العيد

حكاية (آآآآآه )..في حلق حيرتها

ورجفة أيد ..

وتتنهد في جدار القبر...ساعة

كنها ظلم الليالي ..بوحشة بيد

ومع أول دقايق سالفتنا ..

على شارع ...حمل ثوب الحداد

وحشرجات ..القبر ..

بسرعه مر ...

مع الوعد الذي ...ما قدر يوفيه



يعطيك العافيه خيوو
يسلمو على الطرح

admin
09-24-2008, 04:47 AM
الله يعافيك أحب حمودي وشاكر لك مرورك على الموضوع.

ليمو الرياض ونة
09-25-2008, 08:25 AM
خاطرة مواااااااااااااااااااااااثرة كم تحزنني خواطر تخص بالوالدين ....................... خاطرة جميلة انتقاء رائع

admin
09-25-2008, 09:12 PM
نورتي الموضوع بزيارتك ليمو الرياض نة